Stryn kyrkjelege felles råd har følgjande ledige stillingar

Fri, 13 Apr 2012 00:00:00 GMT

Stryn kyrkjelege fellesråd søkjer etter Trusopplærar, info om stillinga finn du her Det er og ledig stilling som Kyrkjemusikar , og som Kateket. Søknadsfrist for alle stillingane er 1. mai 2012

INFORMASJON OM KONFIRMANTÅRET 2012 – 13.

Thu, 12 Apr 2012 00:00:00 GMT

Vi vil gjerne møte dei nye konfirmantane og foreldra allereie før sommaren. De er hjarteleg velkomne til: Informasjonsmøte med innskriving (påmelding) • Hornindal sokn: tysdag 29. mai kl 17.00 – 18.30 i Hornindal kyrkje • Randabygd, Nordsida, Oppstryn og Nedstryn sokn: tysdag 29. mai kl 20.00 i Nedstryn kyrkje • Utvik, Innvik, Olden og Loen sokn: Onsdag 30. mai kl 20.00 i Solvang, Olden Det er viktig at konfirmanten og minst ein av foreldra møter. Dersom tidspunktet for ditt sokn ikkje høver, kan de kome på eit av dei andre informasjonsmøta. Vi kjem til å sende ut brev til alle. I det brevet vil det kome meir informasjon om planane for komande konfirmantår. Har de spørsmål, kan de konatkte: Sigrun Reinhardtsen 57 87 48 13 eller 99 106 126 Kjetil Netland 57 87 48 12 eller 911 03 134

PÅSKE I BARNEHAGE OG SKULE

Fri, 30 Mar 2012 00:00:00 GMT

Skular og barnehagar i indre Nordfjord markerer påska på ulike måtar. I veka før palmesøndag har det vore samlingar på fleire stader i området. Borna lærer songar og dei dramatiserer påskeforteljinga. Tilsette i kyrkja har delteke på mange samlingar der påska har vore tema. Barnehagane i Oppstryn, på Nordsida og i Hornindal har hatt besøk, og ungane har leika med flanellograf og duploklossar . Song og spel har vore viktige ingrediensar i programmet. Tonning skule har hatt påskesamling i kulturhuset, og Loen skule har hatt si tradisjonelle påskegusteneste i kyrkja,

nyhetsbrev misjonsprosjekt i Mali

Thu, 22 Mar 2012 00:00:00 GMT

nyhetsbrev misjonsprosjekt i Mali

FASTETIDA 2012

Thu, 01 Mar 2012 00:00:00 GMT

Fastetida er dei siste 40 dagane før påske. Sjå meir om fastetida: http://www.kyrkja.no/index.cfm?event=doLink&f Vi kan førebu oss til påske ved å ransake livet vårt i lys av Guds bod. (2. Mos 20, 1 – 17 Matt 22, 34 – 40.) Bibelen utfordrar oss særleg på tilhøvet vårt til dei fattige i verda. (Jes 58, 5 – 8.) Kirkens Nødhjelp sin fasteaksjon er ein hjelp til å gjere noko konkret! Sjå: http://www.kirkensnodhjelp.no/Fasteaksjonen/Om-aksjonen/Arets-aksjonstema/ Når vi speglar oss i Guds krav, oppdagar vi at vi kjem til kort. Då gjeld det at vi grip tak i hovudsaka i evangeliet, nemleg at Jesus bar syndene våre og leid og døydde for vår skuld. Denne bibelleseplanen skal hjelpe oss til å halde fokuset på Jesus og det han gjorde for oss. Her er eit avsnitt for kvar dag frå Jesus sin lidingssoge.

Endring i gudstenestelista, Oppstryn kyrkje

Mon, 27 Feb 2012 00:00:00 GMT

Det er ei endring i gudstenestelista i høve til det som står i kyrkjelydskalenderen: Gudstenesta i Oppstryn kyrkje er flytta frå 4. mars til 11 mars kl 16

Vikar ved prestekontoret

Thu, 23 Feb 2012 00:00:00 GMT

Runar Sæle skal ha praksis i Kjetil Netland si stilling i tida 14.02 - 18.03.12. Han vert å treffe på prestekontoret kvar dag i denne tida. Runar er siste årsstudent ved Misjonshøgskulen i Stavanger.

Tårnagentsamling i kyrkjene våre!

Thu, 23 Feb 2012 00:00:00 GMT

Laurdag 3. mars braker det laus for årets tårnagentsamlingar. 3. klassingane vert inviterte til å vere ein dag i kyrkja med oppdrag, leik og mysterier. Ein tårnagent er ein som løyser oppdrag og mysterium og utforskar gøymde plassar i kyrkja. Det er Søndagskulen som har utvikla opplegget, og du kan lese meir på: http://www.tarnagentene.no/ Nrk sende ein serie om tårnagentane i jula. Sjå: http://www.nrk.no/programmer/sider/taarnagentene/ Når vi har tårnagenthelg i kyrkja, skal vi løyse oppdrag og mysterium og utforske kyrkja, tårnet og klokkene. Barna bur heime, og det varier i kyrkjelydane om opplegget går over ein eller to dager, det varierer også kva alderstrinn som er innbydde. Tårnagenthelga blir arrangert i mange kyrkjer i heile landet same tida, og det kan bli så mange som 10 000 Tårnagentar til saman! (trykk på overskrifta for meir info)

BOK TIL FIREÅRINGAR I LOEN OG NEDSTRYN

Mon, 06 Feb 2012 00:00:00 GMT

Om lag 30 born fødde i 2008 møtte fram på gudsteneste for å få kyrkjeboka si den fyrste søndagen i februar. Begge stader var det mykje folk til stades og mange spennande element i gudstenesta. I Loen var den katolske og den lutherske kyrkjelyden saman om ei økumenisk gudsteneste, som gjekk på polsk, slovakisk og norsk. I Nedstryn var eit strålande opplagt barnekor med. I flunkande nye t-skjorter og med engasjert og kraftfull song, gav dei gudstenesta eit verkeleg løft. Den liturgiske musikken som kyrkjelydane øvde på i januar vart brukt, og det var ei ekstra øving på «Vår Far» før gudstenesta begge stader. Sokneråda har no vedteke å bruke den nye forma av Herrens bøn, og då må tilhøyrande musikk fylgje med. Mange korsongarar frå seminaret tok del i gudstenestene for å lette innøvinga med kyrkjelydane.

STRYN BARNEKOR I GRØNT

Mon, 06 Feb 2012 00:00:00 GMT

Den fyrste søndagen i februar stilte Stryn barnekor opp i kyrkja med nye t-skjorter i knallgrøn farge. Nokon lurte på om det var innsatsen for «grøn kyrkjelyd» som fekk slike innslag, og leiar Rut Solveig Netland meinte det kunne vere eit bra startskot. Koret tok del i prosesjonen inn i kyrkja og deltok på ein fantastisk måte i liturgien, i salmesongen og med eigne nummer.

Vikarprest i Hornindal

Sat, 28 Jan 2012 00:00:00 GMT

Gunnar Skrede skal vere vikarprest i Hornindal, Nordsida og Randabygd sokn til og med juli 2012. Gunnar har tidligare vore prest fleire stader, han vore i Volda i mange år, og no sist har han vore domprost i Molde. Gunnar bur no i fritidsboligen sin på Skrede, der han også er fødd og oppvaksen. Vi ynskjer han varmt velkomen!

NY KYRKJEVERJE I STRYN

Wed, 18 Jan 2012 00:00:00 GMT

I høve overgang til ny kyrkjeverje vart alle dei tilsette med fleire inviterte til lunsjmøte på Smak kafé onsdag 18. januar. Den nye kyrkjeverja Borghild Skarelven vart presentert, og ho overtek ansvaret 1. februar. Kyrkjeverje Svein F. Rønne vart takka for jobben og han fekk overrekt blomar frå dei frammøtte. Rønne takka også alle medarbeidarane for samarbeidet i alle åra han har vore kyrkjeverje

SONG- OG MUSIKKHELG MED TORE W AAS

Mon, 16 Jan 2012 00:00:00 GMT

I helga 14. til 15. januar var det song og musikkseminar i Olden. Seminaret vart avslutta med gudsteneste i Olden kyrkje med sokneprest Kjetil Netland som liturg og komponist Tore W. Aas som musikalsk leiar. Alle dei store kora i Stryn deltok blant kyrkjelyden i stappfull kyrkje. Det var ei fin oppleving for alle dei frammøtte

ÅRSMØTE I SPEIDARGRUPPA

Mon, 16 Jan 2012 00:00:00 GMT

15. januar var det årsmøte i Stryn KFUK-KFUM-speidargruppa. Årsmeldinga viser at det framleis er over 150 medlemmer i gruppa, og at aktiviteten er stor. I fjor var tre grupper på utanlandsturar, til Sveits, Mexico og Tyskland. I tillegg var det leir for heile gruppa i Lodalen i pinsa. Omsetninga i fjor var på 340 000 kr, og det er mykje pengar å handtere for den som har ansvar for økonomien. Det vart attval på styret, og ein god diskusjon om aktiviteten framover. Hovudsatsinga i år blir krinsleiren på Gjermundnes, Sunnmøre, i august.

ÅRSFEST I OPPSTRYN

Sat, 14 Jan 2012 00:00:00 GMT

Fredag 13. januar arrangerte Oppstryn sokneråd årsfest for kyrkjelyden. Både det gamle og det nye soknerådet deltok, saman med mykje bygdafolk elles. Nyvald leiar, Berta Urke Berge leidde festen, og unge musikarar deltok med felespel og song. Der var andakt ved Henny Koppen, og der var mat og åresal. Årsmeldinga gav inntrykk av ein stabil aktivitet i kyrkjelyden, og peika framover mot kyrkja sitt 150 – årsjubileum i 2013. Der er ein del oppussing som må gjerast før den tid. Det nye soknerådet ser fram til å ta fatt på oppgåvene.

Babysong

Wed, 12 Oct 2011 00:00:00 GMT

Babysong er ein del av trusopplæringa i Stryn og Hornindal, og er eit tilbod for alle som har små born i alderer frå 0 – 2år.

Kyrkjevalet 2011.

Wed, 12 Oct 2011 00:00:00 GMT

No er valet over og her er dei nye sokneråda.

Ny nettportal

Thu, 23 Jun 2011 00:00:00 GMT

Kyrkjesøk.no. Denne kan td. nyttast til å bli kjend med kyrkjene og å få oversikt over sommaropne kyrkjer.

Stryn Kyrkjelege Fellesråd - Nyhende

Stryn kyrkjelege felles råd har følgjande ledige stillingar

INFORMASJON OM KONFIRMANTÅRET 2012 – 13.

PÅSKE I BARNEHAGE OG SKULE

nyhetsbrev misjonsprosjekt i Mali

FASTETIDA 2012

Endring i gudstenestelista, Oppstryn kyrkje

Vikar ved prestekontoret

Tårnagentsamling i kyrkjene våre!

BOK TIL FIREÅRINGAR I LOEN OG NEDSTRYN

STRYN BARNEKOR I GRØNT

Vikarprest i Hornindal

NY KYRKJEVERJE I STRYN

SONG- OG MUSIKKHELG MED TORE W AAS

ÅRSMØTE I SPEIDARGRUPPA

ÅRSFEST I OPPSTRYN

Babysong

Kyrkjevalet 2011.

Ny nettportal